Дунё бўйлаб қарийб 1 триллион доллар активларни бошқарувчи Фиделитй Интернатионал компанияси Моодйъс Ратингс агентлиги томонидан баҳоланган токенлаштирилган ликвидлик фондини тақдим этди. Фиделитй УСД Дигитал Лиқуидитй Фунд (ФИЛҚ) деб номланган ушбу янги маҳсулот Чаинлинк блокчейн инфратузилмаси асосида ва Сйгнум Банк токенизация платформаси орқали чиқарилди. Бу ҳақда Cointelegraph.com хабар беради.
Сйгнум маълумотларига кўра, фонд Моодйъс Ратингс томонидан ААА-мф рейтингига лойиқ деб топилди. Бу кўрсаткич пул бозори фондлари учун юқори кредит сифати ва ликвидликни англатади. Сйгнум токенизация бўлими раҳбари Фатмире Бекири ушбу қадам капитал бозорлари эволюциясида муҳим босқич эканлигини ва токенлаштирилган маҳсулотлар анъанавий молия тизимини блокчейн билан самарали боғлашини таъкидлади.
Ҳамкорлик доирасида Чаинлинк фонднинг соф активлар қиймати (НАВ) ва тақсимот маълумотларини он-чаин тарзда тақдим этади. Бу халқаро инвесторларга фонд қиймати ва тўловларни реал вақт режимида кузатиб бориш имконини беради. Шунингдек, JPMorgan фонд учун тасдиқланган кунлик НАВ маълумотларини етказиб берувчи ҳамкор сифатида иштирок этади.
Ушбу ташаббус йирик активларни бошқарувчи компанияларнинг анъанавий нақд пул ва ғазначилик маҳсулотларини блокчейн тармоқларига ўтказиш тенденциясини кучайтирмоқда. Аввалроқ BlackRock ва Франклин Темплетон каби молия гигантлари ҳам ўзларининг токенлаштирилган пул бозори фондларини ишга туширган эди.
“Zamin”ни Telegram'да ўқинг!
