22:20 / 09.04.2020
3 970

Дунёнинг энг яхши автомобили эълон қилинди

Дунёнинг энг яхши автомобили эълон қилинди
Kia Telluride / Photo: Getty Images
World Car of the Year-2020 (Йилнинг жаҳон автомобили 2020) танлови ғолиби эълон қилинди. Шунингдек, танловнинг йил спорткари, энг яхши дизайн ва премиал автомобил йўналишларидаги ғолиблари аниқланди.

Мутахассислар World Car of the Year-2020 танловига якун ясашди. Танловнинг бош мукофотини 2019 йил бошида чиқарилган Kia Telluride кроссовери қўлга киритди. Унга Mazda CX-30 ва Mazda3 моделлари рақобатчилик қилган.
“Йил шаҳар автомобили” йўналишида Kia Soul EV электрокари ғолиб бўлган, энг яхши дизайн учун мукофот Mazda3’га топширилган.

Porsche Taycan бирваракай иккита – “Йил спорткари” ва “Йил премиал автомобили” йўналишларида ғолиб деб топилган.
Танлов ғолиблари 10 апрелда бошланиши керак бўлган Нью-Йорк автосалонида эълон қилиниши керак эди, бироқ автомобил кўргазмаси коронавирус пандемияси сабабли август охирига қолдирилди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » Дунёнинг энг яхши автомобили эълон қилинди