Ўзбекистон Миграция агентлиги ваколатхонаси ва Қирғизистоннинг Санкт-Петербургдаги Бош консуллиги шаҳарнинг Адвокатлар палатаси ҳамда Халқаро адвокатлар коллегияси "Санкт-Петербург" билан келишувлар имзолади. Бу ҳақда "Дуне" агентлиги хабар бермоқда.
Ушбу ҳужжатлар бир йил давомида амал қилади ва Россияда, айниқса Санкт-Петербург ва Ленинград вилоятида меҳнат қилаётган Ўзбекистон ва Қирғизистон фуқароларига кўмак кўрсатишга қаратилган. Россиялик адвокатлар миграция, меҳнат, маъмурий, фуқаролик ва жиноят масалалари бўйича ишлашга ихтисослашган мутахассислар рўйхатини тузишади ва мигрантларга ёрдам беришга тайёр бўлишади.
Келишувлар Россия қонунчилиги бўйича бепул маслаҳатлар бериш, суд ва давлат идораларида ёрдам кўрсатиш, шунингдек, меҳнат мигрантлари учун маърузалар, семинарлар ташкил этиш ва фойдали материаллар алмашишни назарда тутади.
Меҳмон гуруҳидаги фойдаланувчилар ушбу мақолага изоҳ қолдира олмайди.
