O'zbekiston Migratsiya agentligi vakolatxonasi va Qirg'izistonning Sankt-Peterburgdagi Bosh konsulligi shaharning Advokatlar palatasi hamda Xalqaro advokatlar kollegiyasi "Sankt-Peterburg" bilan kelishuvlar imzoladi. Bu haqda "Dune" agentligi xabar bermoqda.
Ushbu hujjatlar bir yil davomida amal qiladi va Rossiyada, ayniqsa Sankt-Peterburg va Leningrad viloyatida mehnat qilayotgan O'zbekiston va Qirg'iziston fuqarolariga ko'mak ko'rsatishga qaratilgan. Rossiyalik advokatlar migratsiya, mehnat, ma'muriy, fuqarolik va jinoyat masalalari bo'yicha ishlashga ixtisoslashgan mutaxassislar ro'yxatini tuzishadi va migrantlarga yordam berishga tayyor bo'lishadi.
Kelishuvlar Rossiya qonunchiligi bo'yicha bepul maslahatlar berish, sud va davlat idoralarida yordam ko'rsatish, shuningdek, mehnat migrantlari uchun ma'ruzalar, seminarlar tashkil etish va foydali materiallar almashishni nazarda tutadi.
Mehmon guruhidagi foydalanuvchilar ushbu nashrga izoh qoldira olmaydi.
