2026 йил шарқ тақвимига кўра Қизил Оловли От йили сифатида кириб келади. Бу йил кўпчилик учун шов-шувли инқирозлар ёки кескин драмалар эмас, балки ичи-ичидан етилиб келаётган, аниқ ҳис этиладиган ўзгаришлар даври бўлади. Ҳаётга бўлган муносабат, устувор йўналишлар, роллар ва кутилмалар секин-аста, аммо қатъий равишда янгиланади. Кўплар эски услубда яшашни истамай қўяди ва бу табиий жараён сифатида қабул қилинади.
Қўй буржи вакиллари учун 2026 йил шахсий қайта туғилиш имконини тақдим этади. Феврал ўрталарида Сатурн биринчи уйингизга кириб, ким эканингиз, қаерга кетаётганингиз ҳақида жиддий ўйлашга ундайди. Бу йил шошма-шошар қарорлардан йироқ бўлиш муҳим. Аста-секин ички кучингизни мустаҳкамлайсиз, шахсий чегараларингизни аниқ ҳис қила бошлайсиз. Йил бошида Сатурн Балиқ буржида жойлашиб, ўз-ўзингизни кечириш ва чуқур мулоҳазаларга чорлайди. Марс эса ҳаракатдан олдин яхшилаб ўйлаб кўришни маслаҳат беради. Баҳорда эса Қўй буржининг оловли табиати янада ёрқин намоён бўлади, айниқса туғилган кун атрофида сизга эътибор ортади. Ёз ўртасидан кузгача ички дунёни чуқур ўрганиш даври бошланади.
Эгизаклар учун 2026 йил ҳаётда тартиб ва аниқлик ўрнатиш йили бўлади. Йил аввалида иш ва узоқ муддатли мақсадлар борасида иккиланишлар пайдо бўлиши мумкин, аммо феврал ўрталарига келиб манзара равшанлашади. Апрел охиридан шахсий ўзгаришлар бошланиб, ўзингизга бўлган ишонч ортади. Бошқаларнинг фикрига камроқ боғлиқ бўласиз.
Арслон буржи вакилларини жасорат ва динамик ўсиш кутиб турибди. Февралда Сатурн янги йўналиш очиб, билим ва тажриба доирасини кенгайтиради. Йил охирида Юпитер буржингизга кириб, ишончни мустаҳкамлайди ва имкониятларни кўпайтиради.
Сунбула буржи учун 2026 йил одатий қолиплардан чиқиш ва чуқур трансформациялар йили бўлади. Сатурн муносабатларни қайта кўриб чиқишга мажбур этади, Юпитер эса фойдали касбий алоқаларни яратишга ёрдам беради.
Тарози буржи ҳаётида муҳим шахсий ўзгаришлар юз беради. Февралдан Сатурн шерикликка жиддий эътибор қаратса, Плутон ижод ва ўзини ифода қилишга бўлган муносабатни тубдан ўзгартиради.
Чаёнлар учун йил масъулият ва етук қарорлар талаб қилади. Йил бошида ҳис-туйғуларни чуқур англаш имкони пайдо бўлади, оила ва уй масалалари эса йил давомида асосий ўринни эгаллайди.
Ўқотар буржи вакиллари ижодий ривож ва ҳаётдан қувонч олишни қайта кашф этади. Юпитер янги эшикларни очса, Плутон фикрни аниқ ва равшан ифода этишга ёрдам беради.
Тоғ эчкиси учун 2026 йил ўзингиз ва яқинларингиз олдидаги масъулиятни оширади. Плутон ички барқарорликни шакллантиришда қўллаб-қувватлайди.
Қовға буржи янги имкониятлар ва ўзгаришларга очиқ бўлади. Плутон шахсий ўсишни фаоллаштирса, Сатурн қатъият ва аниқликни кучайтиради.
Балиқлар учун эса 2026 йил ички дунёни ўрганиш ва руҳий янгиланиш даврига айланади. Февралдан Сатурн ўзингизни яхшироқ англашга ёрдам беради, сентябр ойидаги тўлин ой ва Ой тутилиши эса ҳаётга янгича нигоҳ билан қараш имконини тақдим этади.
Қисқача айтганда, 2026 йил катта шовқинсиз, аммо мазмунан жуда чуқур ўзгаришлар йили бўлади. Бу йил ким ўзини тинглай олса, келажак учун мустаҳкам пойдевор қўяди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
