1 489
Нималарнинг нархи ошиши мумкин? — Марказий банк инфляцион кутилмалар шарҳини эълон қилди
Фото: Getty Images
Август ойидаги сўров натижаларига кўра, аҳолининг инфляцион кутилмалари 15,3, бизнесники эса 14,1 фоизни ташкил қилган. Аҳоли ва тадбиркорлар келгусида нималарнинг нархлари ошишини кутмоқда?
Марказий банк aвгуст ойи учун аҳоли ва тадбиркорлик субъектлари инфляцион кутилмалари шарҳини эълон қилди. Унга кўра, аҳолининг инфляция бўйича кутилмалари июль ойига нисбатан 1 фоизга пасайиб, 15,3 фоизни ташкил қилган.
Аҳоли келгусида нархлар ошишига қуйидаги омиллар таъсир қилади деб ҳисоблайди:
- импорт товарлари ва асосий озиқ-овқат маҳсулотлари нархи кўтарилиши (48 фоиз);
- нархларнинг сунъий оширилиши (37 фоиз);
- валюта курси ўзгариши (35 фоиз).
Бундан ташқари, ёқилғи ва энергия ресурслари нархининг қимматлашиши (34 фоиз), иш ҳақи ва нафақаларнинг ошиши (31 фоиз), турар жой ва ижара тўловларининг қимматлашиши (15 фоиз), супермаркет ва бозорлардаги нархлар ўртасидаги тафовутнинг юқорилиги (11 фоиз) каби омиллар ҳам аҳоли инфляцион кутилмаларига сезиларли таъсир ўтказган.
Тадбиркорлик субъектларининг инфляцион кутилмалари
Август ойи якунлари бўйича келгуси 12 ой учун нархлар ўсишига оид респондент тадбиркорлик субъектларининг кутилмалари 14,1 фоизни ташкил қилиб, ўтган ойга нисбатан 1,1 фоизга камайган.
Бизнес вакиллари нархлар ошишига қуйидаги омиллар таъсир қилади деб ҳисоблайди:
- валюта курсининг ўзгариши (33 фоиз);
- ёқилғи маҳсулотлари ва транспорт хизматларининг нархлари қимматлашиши (29 фоиз);
- иш ҳақи ва нафақаларнинг ошиши (24 фоиз).
Шунингдек, хориждан хомашё етказиб беришда узилишлар бўлишини ҳамда импорт қилишдаги тариф ва нотариф чекловлар мавжудлигини кутаётган тадбиркорлар улуши ўтган ойга нисбатан қисқарган. Бизнес вакилларининг юқоридаги омиллар бўйича хавотирлари пасайиши янги таъминот занжирлари йўлга қўйилаётганлиги ҳамда иқтисодиётда рақобат муҳити яхшиланиб бораётганлиги билан изоҳланган. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эрон олий раҳбари Исроил бўйлаб ракета зарбасини қандай изоҳлади?
КХДР Украинадаги уруш учун Россияга снарядлар етказиб бермоқда
Ҳарвард талабалари смарт кўзойнак ёрдамида бегоналарнинг шахсини аниқлашга муваффақ бўлди
Гватемалада ўзбек мигрантлари контрабандаси билан шуғулланган полициячилар ҳибсга олинди
Кузда иммунитетни яхшилаш учун нималар истеъмол қилиш керак?
Шимолий Корея «янги давр» бошланганини эълон қилди
Эрон олий раҳбари Яқин Шарқни Исроилга қарши исён кўтаришга чақирди
Рамзан Қодиров уруш эҳтиёжлари учун Россияга 100 та “Жиҳод машинаси”ни берди