«Барселона» юлдузи Ламине Ямал 2026-йилда «Олтин тўп»га даъвогар бўлиши учун нималар қилиши кераклиги маълум бўлди. Шу билан бирга, афсонавий футболчи Рууд Гуллит Лионел Мессининг тўққизинчи бор ушбу совринни қўлга киритиш имкониятларини ҳам истисно этмади. Бу ҳақда Goal.com хабар беради.
Дунёнинг энг яхши футболчиси номи одатда ёзги Жаҳон чемпионатида порлаган юлдузга насиб этади. Лионел Месси 2022-йилги Қатардаги мундиалда айнан шундай натижа қайд этиб, ўзининг саккизинчи «Олтин тўп»ини қўлга киритган эди. У ҳозирда ўзининг абадий рақиби Криштиано Роналдодан учта соврин олдинда бормоқда.
Ҳозирда 41 ёшда бўлган Криштиано Роналдо Саудия Арабистонининг «Ан-Насср» клубида фаолиятини давом эттирмоқда. У 2026-йилги Жаҳон чемпионатида Португалия терма жамоаси сардори сифатида ғолибликни нишонласа, яна «Олтин тўп» учун курашга қайтиши мумкинми деган савол туғилади.
Рууд Гуллит бу борада шундай фикр билдирди: «Агар Месси ўз жамоаси ғалабасида ҳал қилувчи рол ўйнаса, албатта, у яна даъвогар бўлади. Аммо Роналдо ҳам айнан шуни истайди, Португалия эса жуда кучли таркибга эга».
Ёш иқтидор эгаси Ламине Ямалга келсак, Гуллит унинг имкониятлари Жаҳон чемпионатидаги ўйинига боғлиқ эканини таъкидлади. «Ямал Чемпионлар лигасида ғолиб чиқса ҳам, «Олтин тўп» учун курашишда мундиалдаги муваффақият жуда муҳим аҳамият касб этади», — дея қўшимча қилди нидерландиялик мутахассис.
“Zamin”ни Telegram'да ўқинг!
