АҚШ аёллар терма жамоаси ва Манчестер Сити клуби ярим ҳимоячиси Сем Коффи тиззасидаги кичик жароҳат сабабли жарроҳлик амалиётини ўтказди. Бу ҳақда Манчестер Сити клуби матбуот хизмати жума куни расман маълум қилди. Бу ҳақда Goal.com хабар беради.
Клуб футболчининг қачон майдонга қайтиши бўйича аниқ муддатни очиқламади. Ҳозирда Сем Коффи Манчестер Сити тиббиёт ходимлари назорати остида реабилитация жараёнини бошлаган. У ёзги таътил даврида тикланиш ишларини олиб боради.
Сем Коффи жорий йилнинг январ ойида Манчестер Сити сафига келиб қўшилган эди. У қисқа вақт ичида жамоанинг асосий таркибидан жой олиб, клубнинг 2016-йилдан буён илк бор Аёллар Суперлигаси чемпионлигини қўлга киритишида муҳим рол ўйнади.
Клуб баёнотига кўра, ярим ҳимоячи 2026/27-йилги мавсумга ҳамда АҚШ терма жамоаси сафида 2027-йилги Жаҳон чемпионати саралаш ўйинларига тайёргарлик кўради. Манчестер Сити айни дамда турнир жадвалида 52 очко билан пешқадамлик қилмоқда ва Арсенал клубидан тўрт очкога олдинда бормоқда.
“Zamin”ни Telegram'да ўқинг!
