Li Auto компанияси ўзининг янги флагман кроссовери Li Auto Л9 Ливис моделини расман тақдим этди ва сотувга чиқарди. Автомобил икки хил версияда таклиф этилиб, унинг нархи 460 минг юандан бошланади. Модел 1,5 литрли бензинли двигател ва иккита электр мотори билан жиҳозланган бўлиб, умумий қуввати 571 от кучини ташкил этади. Тўлиқ узатмали кроссовер 0 дан 100 км/соат тезликка атиги 4,9 сонияда эришади. Бу ҳақда Ixbt.com хабар беради.
Техник имкониятлар ҳайратланарли: аралаш сиклда ёқилғи сарфи 100 километрга 6,3 литрни ташкил этади. Электр режимида автомобил 420 км масофани босиб ўтади, умумий захира эса 1650 километргача етади. 420 кВ қувватли тезкор қувватлаш тизими батареяни 10 фоиздан 80 фоизгача атиги 10 дақиқада тўлдириш имконини беради.
Хавфсизлик ва автоном бошқарув тизими тўртта лидар ва 2560 TOPS ҳисоблаш қувватига эга иккита Мач 100 чипи билан таъминланган. Бу тизим автомобилга шаҳар ва трассада мустақил ҳаракатланиш, шунингдек, 300 хил сценарий бўйича автоматик парковка қилиш имконини беради. Шасси тизими стеер-бй-вире технологияси ва тўлиқ бошқариладиган ғилдираклар билан жиҳозланган бўлиб, 5,2 метрлик кроссовернинг бурилиш радиуси атиги 5,3 метрни ташкил этади.
Салонда 29 дюймли 6К сифатли панорамали дисплей ўрнатилган бўлиб, у Snapdragon 8797 Элите чипи ёрдамида бошқарилади. Шунингдек, "нол гравитация" ўриндиғи, юқори даражадаги шовқин изолацияси ва 5440 В қувватга эга 9.3.6 аудио тизими йўловчиларга максимал қулайлик тақдим этади.
“Zamin”ни Telegram'да ўқинг!
