Фото: Yandex
2011 йилда эфирга узатилган машҳур турк сериали "Муҳташам юз йил" нафақат Туркияда, балки бутун дунёда катта шов-шувга сабаб бўлган эди. Ушбу лойиҳа оддий томошабинлардан тортиб сиёсатчиларгача турли фикр ва муносабатларга сабаб бўлди. Ҳатто Ражаб Тоййиб Эрдўған ҳам сериални кескин танқид қилиб, унда тарихий шахс образлари нотўғри талқин этилганини таъкидлаган.
Шунга қарамай, сериал турк киносаноати тарихида энг муваффақиятли ва даромадли лойиҳалардан бири сифатида ўз ўрнини мустаҳкамлаб олди. У йиллар ўтса ҳам, мухлислар орасида ўз машҳурлигини сақлаб қолмоқда ва унга оид янги-қизиқарли маълумотлар ҳали ҳам пайдо бўлиб турибди.
Сериал атрофидаги баҳс-мунозаралар айниқса тарихий ҳақиқатларнинг бузиб кўрсатилгани ҳақидаги эътирозлар билан боғлиқ бўлган. Турли оммавий ахборот воситаларига қарийб 70 мингга яқин шикоят келиб тушгани ҳам айнан шундан далолат беради. Кўплаб томошабинлар лойиҳа реал тарихий воқеалардан чекиниб, драматизацияга ортиқча урғу берилганини таъкидлашган.
Қизиқарли жиҳатлардан яна бири — сериал давомида атиги тўрт нафар актёр барча қисмларда иштирок этган. Улар орасида султон Сулаймон, ҳарам оғаси Сумбул, Моҳидаврон Султон ва Гулфем хотун образларини гавдалантирган ижодкорлар бор. Бу эса лойиҳанинг давомийлиги ва актёрлар таркибининг тез-тез янгиланиб турганини кўрсатади.
Аммо энг кўп эътибор тортадиган мавзу — актёрларнинг гонорари. Маълум бўлишича, султон Сулаймон образини ижро этган Ҳалит Эргенч ҳар бир қисм учун 30 минг доллар миқдорида ҳақ олган. Бу кўрсаткич уни сериалдаги энг юқори ҳақ тўланган актёрга айлантирган.
Фото: Yandex
Шунингдек, Моҳидаврон Султон ролини ижро этган Нур Феттаҳоғлу ҳам юқори гонорар олган актрисалар қаторига киради. У ҳар бир эпизод учун 14 минг доллар ишлаб топган.
Шу тариқа, “Муҳташам юз йил” нафақат сюжети ва тарихий драмаси билан, балки актёрларининг катта миқдордаги гонорарлари билан ҳам томошабинлар эътиборини жалб этишда давом этмоқда. Сериал ортидан келган шон-шуҳрат ва молиявий муваффақият эса уни турк телеиндустриясининг ҳақиқий феноменига айлантирди.
“Zamin”ни Telegram'да ўқинг!
