2025 йилнинг январ-октябр ойларида Ўзбекистон бюджетига тушган солиқлар йиллик ҳисобда 17,4 фоизга ошди. Бу ҳақда Марказий иқтисодий тадқиқотлар ва ислоҳотлар маркази томонидан эълон қилинган бизнес фаоллиги статистикаси кўрсатмоқда.
Солиқ тушумларининг энг сезиларли ўсиши Навоий, Тошкент, Сирдарё вилоятлари ҳамда пойтахтда қайд этилди — ўртача ўсиш кўрсаткичи 40 фоизни ташкил этди. Шунингдек, мамлакатда божхона тўловлари ҳам йиллик ҳисобда 20 фоизга ошди.
Бу борада энг катта ўсиш Сирдарё вилоятида (81 фоиз) ва Қорақалпоғистонда (43 фоиз) кузатилган. Марказ ташқи савдо кўрсаткичларига ҳам эътибор қаратди — бир йил ичида бу соҳада ўсиш 14,3 фоизни ташкил этди.
Экспорт бўйича етакчи ҳудудлар Сурхондарё (80 фоиз) ва Самарқанд (39 фоиз) вилоятлари бўлди. Шу билан бирга, Ўзбекистонда биржа фаоллиги йиллик ҳисобда 23,4 фоизга ўсди.
Ҳудудий фаоллик бўйича эса Қорақалпоғистон ва Қашқадарё етакчилик қилмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
