2025 йилда Dubai Duty Free божсиз савдо дўконларида энг машҳур маҳсулотлардан бири вирусли Дубай шоколади бўлди. Бир йил ичида саёҳатчилар 719 тонна ширин сувенир харид қилишди ва у тезда сайёҳларнинг эътиборини қозонди.
Тармоқ учун махсус яратилган эксклюзив позициялар, жумладан Patchi Pistachio Kunafa Bar шоколад батончиги ва Habibe Chocolate бренди маҳсулотлари алоҳида талабга эга эди. Қандолат маҳсулотлари 845,486 миллион дирҳам (тахминан 231,6 миллион доллар) билан бешинчи ўринни эгаллади, бу тармоқнинг умумий йиллик айланмасининг 9,74 фоизини ташкил этади.
Бу кўрсаткичлар Dubai Duty Free’нинг рекорд даражадаги савдосининг бир қисми бўлиб, 2025 йилда 8,68 миллиард дирҳамга (2,3 миллиард доллар) етди.
Дубай шоколади қадаиф ва писта аралашмасидан тайёрланган ширинлик бўлиб, БААда ишлаб чиқарилади. Маҳсулот 2021 йилда пайдо бўлди ва тезда саёҳатчиларнинг севимли маҳсулотига айланди. Шоколаднинг ижтимоий тармоқлардаги машҳурлиги 2023 йилдан, у ҳақидаги биринчи TikTok видеоси 120 миллиондан ортиқ кўрилганидан бери ошди.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
