Европа Иттифоқи Ўзбекистонга 2020–2030 йиллар учун қишлоқ хўжалигини ривожлантириш стратегиясини қўллаб-қувватлаш мақсадида 7 миллион евро миқдорида грант ажратди. Бу ҳақда Европа Иттифоқининг Ўзбекистондаги элчиси Тойво Клаар қишлоқ хўжалиги вазири Иброҳим Абдураҳмонов билан учрашувда маълум қилди.
Мазкур грант Европа Иттифоқининг Ўзбекистон қишлоқ хўжалигини қўллаб-қувватлаш бўйича умумий қиймати 20 миллион еврога тенг лойиҳасининг бир қисми ҳисобланади. 2023 йилда Европа Иттифоқи томонидан 6 миллион евро ажратилган эди, қолган 7 миллион евро эса 2026 йилда амалга ошириладиган ислоҳотлар муваффақиятли бажарилиб, белгиланган мақсадларга эришилганда тақдим этилади.
"Ер ресурсларидан самарали фойдаланиш ва озиқ-овқат хавфсизлиги тизимини бошқариш инвестицияларни жалб қилиш, барқарорликни таъминлаш ва экспорт рақобатбардошлигини ошириш учун ниҳоятда муҳимдир, айниқса, ЖСТга қўшилиш доирасида", деди Тойво Клаар.
Меҳмон гуруҳидаги фойдаланувчилар ушбу мақолага изоҳ қолдира олмайди.
