Россия Фанлар академияси президенти ўринбосари Геннадий Онишенко Нипаҳ вируси ҳақида фикр билдириб, уни “хавфли, бироқ пандемик эмас” деб баҳолади. У матбуот учрашувида Нипаҳ вирусига қарши вакцина ишлаб чиқиш “муаммо эмас” деб ўйлашини айтиб, вазиятни кескинлаштириб кўрсатмасликка чақирди.
Онишенконинг сўзларига кўра, 1998–1999 йилларда, асосан Жануби-Шарқий Осиёда, 300 га яқин зарарланиш ҳолати қайд этилган. У ўша даврдаги ўлим даражаси 70 фоизни ташкил этганини эслатиб, айрим авж олган ҳолатларда беморлар вафот этганини таъкидлади.
Шу билан бирга, у ҳозиргача вирусни самарали даволашнинг аниқ усули, тасдиқланган даволаш схемаси ёки тўлиқ шаклланган дори воситалари мавжуд эмаслигини қайд этди. Онишенко тиббиёт ходимларида инфекциянинг глобал тарқалишига оид мукаммал маълумотлар йўқлигини, бироқ вазият назорат остида экани, кузатув олиб борилаётгани ва ваҳимага ўрин йўқлигини билдирди.
“Zamin”ни Telegram'да ўқинг!
