Француз футболының аңызға айналған жартылай қорғаушысы және УЕФА-ның бұрынғы басшысы Мишель Платини жемқорлық айыптаулары бойынша өз пікірін білдірді. “Швейцария прокурорлары зейнетке шыққаннан кейін ФИФА-да жұмыс істегісі келген.
Бұл нағыз мафия, барлық істер бір адамдардың қолында. Олар мені жоюға шешім қабылдады.
Алайда бұл іс оларға сәтті болмады”, – дейді Платини Il Messaggero-ға берген сұхбатында. Еске салып өтсек, Мишель Платини қаржылық алаяқтық жасады деп айыпталған еді, алайда оның кінәсін дәлелдеу мүмкін болмады.
Француз функционері 2007 жылдан 2016 жылға дейін УЕФА-ны басқарған. Футболшы ретіндегі мансабында Платини “Нанси”, “Сент-Этьен”, Туриннің “Ювентус” клубтарында және Франция ұлттық құрамасында ойнаған.
Ctrl
Enter
Қате таптыңыз ба?
Сөйлемді бөліп, Ctrl+Enter басыңыз 
