Булыкин Роналдудың ұлы бір командада ойнайды деп сенеді

Ресей құрамасының бұрынғы футболшысы Дмитрий Булыкин Криштиану Роналдудың өз ұлы — кіші Криштиану Роналдумен бір командада алаңға шығуы мүмкіндігін жоққа шығармады. Сарапшы бұл туралы “Евро-Футбол.Ру” басылымына берген сұхбатында айтты.

“Меніңше, оның бұл арманы бар. Бұл әдемі оқиға болар еді, жүзеге аса ма, жоқ па — оны уақыт көрсетеді.

Ол өзіне, денсаулығына өте жақсы қарайды және футболды мүмкіндігінше ұзақ ойнағысы келеді. Ойымша, ұлы онымен бір командада ойнайтын уақыт келгенде, бұл жоспар іске асуы мүмкін”, — деп мәлімдеді Булыкин.

2025 жылғы қарашада кіші Криштиану Түркияда өткен Federation Cup турнирінде Португалия U-16 құрамасы сапында алғашқы голын соқты. Ол Уэльске қарсы матчта 42-ші минутта есеп ашты, кездесу 3:0 есебімен аяқталды.

Айта кету керек, 40 жастағы Роналду да, оның ұлы да Сауд Арабиясының “Ан-Наср” клубы жүйесінде. Роналду клубтың акционерлерінің біріне айналса, ұлы клуб академиясында ойнап жүр.