Kingston 512 ГБ дейінгі жады бар қолжетімді флешкаларды таныстырды

«Kingston» компаниясы «DataTraveler Exodia DTXG2» деп аталатын жаңа флеш-жадтар желісін таныстырды. Құрылғыларды ресми сату 6 мамырға жоспарланған.

Бұл туралы Ixbt.com хабарлады.

Жаңа флешкалар классикалық USB-A қосқышымен және USB 3.2 Gen 1 интерфейсімен жабдықталған. Оқу жылдамдығы секундына 50 мегабайтты, ал жазу жылдамдығы 5 мегабайтты құрайды.

Бұл құрылғы ауыр жобалар үшін емес, құжаттар мен шағын файлдарды тасымалдауға арналған.

Желі 64, 128, 256 және 512 гигабайттық нұсқаларды қамтиды. Ең арзан модельдің бағасы 9 АҚШ долларын құраса, ең жоғары жады бар нұсқасы 61 АҚШ долларына бағаланып отыр.

Құрылғы ықшам корпусқа ие, оған брелок тағуға арналған арнайы сақина орнатылған. Сондай-ақ, қосқышты қорғау үшін алынбалы қақпағы да бар.