Маошлар 27 майгача тўланади: иш берувчиларга эслатма
Меҳнат қонунчилигига мувофиқ, иш ҳақи тўланадиган сана дам олиш ёки байрам кунларига тўғри келиб қолса, ходимларнинг маоши олдиндан тўлаб берилиши шарт ҳисобланади.
Шу сабабли, яқинлашиб келаётган Қурбон ҳайити муносабати билан иш берувчилар иш ҳақларини 27 майга қадар тўлаб беришлари кераклиги таъкидланмоқда.
Қонунга кўра, бу талаб ходимларнинг ҳуқуқларини ҳимоя қилишга қаратилган бўлиб, маош кечиктирилишига йўл қўйилмайди.
Агар иш берувчи белгиланган муддатда тўловни амалга оширмаса, у ҳолда ҳар бир кечиккан кун учун компенсация тўлаш мажбурияти юзага келади. Бу ҳолат Меҳнат кодексининг 253 ва 333-моддаларида аниқ белгилаб қўйилган.
Мутахассислар фикрича, бу тартиб ходимларнинг молиявий барқарорлигини таъминлаш ва байрам олдидан ортиқча қийинчиликларнинг олдини олишга хизмат қилади.
