Foto: indianexpress.com
7 oylik Uilyam Charlz MakMillian AQSHning Uaytxoll shahri (Texas shtati) meriga aylandi. Endi u AQSHning eng yosh meri hisoblanadi. Bu haqda Indian Express nashri xabar berdi.
Bolakay Uaytxoll meri lavozimini u har yili auksionga qo‘yilishi va uning oilasi joriy yilda u uchun eng katta summa taklif qila olgani sababli egallay oldi. Auksiondan tushgan pullar xayriya maqsadlariga yo‘naltiriladi.
Bolakay inauguratsiya marosimiga uni asrab olgan ota-onasi bilan birga kelgan. U qora smokingda bo‘lgan. Tadbir shahar jamoatchilik markazida 150 ga yaqin odam ishtirokida bo‘lib o‘tgan.
Tadbirda ishtirok etgan qo‘shni Novasota shahar kengashi raisi Josh Fulsning ta’kidlashicha, har bir odam bolakayni o‘z bag‘riga bosishga oshiqqan. “Hozir davlatimiz murakkab davrni boshdan kechirmoqda va mer Charli jamiyatga tinchlik va ezgulikni qaytarishga yordam beradi”, deb aytgan Fuls.
7 oylik mer ota-onasi yordamida “Amerikani yana mehribon qilamiz” iborasini o‘ziga shior qilib tanlangan va qasamyod keltirib, unda mer lavozimini vijdonan bajarishga, bolalar maydonchasida hammaga mehribon bo‘lishga, shag‘al yo‘llarni yaxshi holatda saqlashga, o‘t o‘chiruvchilarga pechene olib kelib turishga, eng katta laqqa baliqni tutishga hamda Uaytxoll aholisini himoyalash va asrashga va’da bergan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Damas uchun onlayn kontraktatsiya ochiladi
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
AQSHning Suriyadagi harbiy bazasiga raketalar hujum qildi
O‘zbekistonda o‘tgan uch oyda qancha avtomobil ishlab chiqarilgan?
Akademik Qodir G‘ulomov Qo‘shrabotda bo‘ldi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi