Surxondaryo viloyati, Termiz tumanida yashovchi 2001-yilda tug‘ilgan fuqaro boshqaruvidagi “MAN” rusumli yuk mashinasi Afg‘onistondan “Termiz-avtomobil yo‘li” xalqaro o‘tkazish punktiga kirib kelganida Davlat xavfsizlik xizmatining Chegara qo‘shinlari va Bojxona idoralari xodimlari tomonidan belgilangan tartibda tekshiruv o‘tkazildi.
Ko‘rik vaqtida yuk mashinasida kartoshka mahsulotlari mavjudligi aniqlanib, ularni sinchkovlik bilan tekshirish davomida, kartoshka shaklida tayyorlangan 222 dona bo‘lakdan iborat, jami 72 kg 300 gramm “gashish” moddasi yashirilgani fosh qilindi. Hujjatlar protsessual tartibda rasmiylashtirildi.
Dastlabki ma’lumotlarga ko‘ra, bu katta miqdordagi giyohvandlik vositalari Rossiya Federatsiyasiga olib ketilayotgan bo‘lgan. Hozirda holat yuzasidan tergov va surishtiruv ishlari davom etmoqda. Fuqarolardan shunday holatlarga duch kelsalar, DXXning 1520 qisqa raqamiga xabar berish so‘raladi, shaxsiy ma’lumotlaringiz maxfiyligi kafolatlanadi.
“Zamin”ni Telegramʻda oʻqing!
