Бундеслигада «Бавария», «Боруссия» Дортмунд ва «Байер» бир тур доирасида мағлубиятга учради. Бундай ҳолат охирги марта 2006/07 йиллар мавсуми 20-тури доирасида кузатилганди. Лекин бу сафаргисининг яна бир жиҳати бор - учала жамоа ҳам ўз майдонида ютқазди. 18 йил олдин икки жамоа сафарда мағлуб бўлганди. Учала жамоа ҳам Чемпионлар лигаси 1/8 финали ўйинлари оралиғидаги турни қурбон қилиб, аралаш таркибни туширганди.
«Бавария» - «Боҳум» 2:3
Голлар: Геррейра, 14, 28 – Медич, 31, Сиссоко, 51, Беро, 71.
«Бавария»: Урбиг, Бои (Олисе, 63), Дайер, Ито (Киммиҳ, 76), Станишич, Палиня, Геррейру, Сане (Лаймер, 63), Горецка, Гнабри (Мусиала, 63), Мюллер (Кейн, 62).
«Боҳум»: Хорн, Эрман, Медич, Бернардо, Пасслак (Гамбоа, 82), Сиссоко, Виттек (Машович, 88), Беро (Лосила, 87), Краусс, Хофманн, Масурас (Брошинские, 73).
Четлатиш: Палиня, 43.
Биринчи рақамли сенсация — шубҳасиз, «Бавария»нинг мағлубияти. Ҳа, Венсан Компани оптимал таркибдан анча узоқ таркибни туширди, лекин натижага мюнхенликлар иккинчи бўлимни тўлиғича бир киши кам бўлиб ўтказишгани ҳам таъсир кўрсатди, танаффус арафасида Жоау Палиня қизил карточка олиб майдонни эрта тарк этганди. Аммо, биринчидан, ўйин Мюнхенда бўлиб ўтди, рақиб эса хавфли зонага яқин жойлашган аутсайдер эди. Иккинчидан, «Бавария» тезкор голлар эвазига 2:0 ҳисобида олдинда бораётганди ва Рафаэл Геррейрунинг икки голи оралиғида Гнабри пеналтидан гол ура олмаганди. ЕЧЛ ўйинида Нойер жароҳат олгач, дарвозани қўриқлаётган 21 ёшли Урбиг эса учта гол ўтказиб юборди.
«Байер» – «Вердер» 0:2
Голлар: Шмид, 7, Нжинма, 90+4.
«Байер»: Градецкий, Та (Мукиэле, 46), Эрмосо, Артур (Фримпонг, 65), Гарсия, Жака (Паласиос, 46), Телла, Адли, Буэндиа (Вирц, 46), Шик.
«Вердер»: Цеттерер, Пипер, Велкович, Юнг, Вайзер, Линен (Биттенкурт, 78), Агу, Стаге, Шмид (Топп, 90), Бюрке (Нжинма, 69), Силва (Грюл, 78).
«Боруссия» Дортмунд – «Аугсбург» 0:1
Гол: Гауэлеу, 23.
«Боруссия» Дортмунд: Кобел, Коуту (Рерсон, 63), Жан, Шлоттербек, Бенсебаини (Байер, 63), Ўзжан, Гросс (Забитцер, 75), Адейеми (Антон, 90), Брандт, Байно-Гиттенс, Гирасси.
«Аугсбург»: Дамен, Матсима, Гауэлеу, Цезигер, Волф (Банкс, 82), Режбечай (Якич, 58), Онека, Яннулис, Йенсен (Комур, 74), Клод-Морис (Майер, 74), Тиц (Эссенде, 5).
Ҳафта ўртасида Мюнхенда 0:3 ҳисобида мағлуб бўлиб, ЕЧЛнинг кейинги босқичига чиқишдан умид узган «Байер» ҳам ҳайрон қолдирди. Амалдаги чемпионлар Леверкузендаги август ойидан буён илк бор ютқазди (ўшанда «Лейпциг»га қарши ўйинда 2:3 ҳисобида якунланган). «Боруссия»нинг «Аугсбург»га қарши ўйиндаги мағлубияти эса дортмундликларнинг беқарор натижалари туфайли унчалик ҳайратланарли эмас. Нико Ковач жамоаси учун ҳозирги мақсад - ўнинчи ўриндан еврокубокларга йўлланма берадиган ўринларга етиб олиш бўлади. Сўнгги мавсумларда ЕЧЛда ўзини кўрсатган жамоа кейинги мавсумда кўпи билан иккинчи даражали еврокубокларда қатнашиши мумкин. Учинчи ўринни эса бу турда Менҳенгладбаҳда ғалаба қозониб (3:1), ўз тарихида илк бор бундеслигада 44 очко жамғарган «Майнц» эгаллаб турибди. Ва бу натижа — мавсум финишига тўққиз тур қолганида қайд этилди.
“Замин” янгиликларини “Telegram”да кузатиб боринг 
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
