Пҳиладелпҳиа Унион жамоасининг ёш иқтидор эгаси Каван Сулливан MLS чемпионатида ўзининг илк голини киритиб, тарихий натижани қайд этди. Келажакда Манчестер Сити сафида тўп суриши кутилаётган 16 ёшли ҳужумкор ярим ҳимоячи Орландо Ситй СК жамоасига қарши кечган баҳсда ўзининг юқори салоҳиятини намойиш қилди. Бу ҳақда Goal.com хабар беради.
Гарчи учрашув Пҳиладелпҳиа Унион учун 4:3 ҳисобидаги мағлубият билан якунланган бўлса-да, Сулливан ўйиннинг асосий қаҳрамонларидан бирига айланди. У нафақат гол урди, балки жамоасининг биринчи голига ҳам муаллифлик қилган ҳужумда муҳим рол ўйнади. Бен Бендернинг узатмасидан сўнг, ёш футболчи 75-дақиқада дарвозани аниқ нишонга олди.
Сулливан 14 ёшида профессионал шартнома имзолаб, аллақачон КОНКАКАФ Чемпионлар лигасида ҳам ўзини кўрсатиб улгурган. Жорий мавсумда у ўйин амалиётини сезиларли даражада ошириб, 377 дақиқа майдонда ҳаракат қилди ва икки бор голли узатмани амалга оширди.
Ҳозирги вақтда Пҳиладелпҳиа Унион жамоаси чемпионатда қийин даврни бошдан кечирмоқда ва турнир жадвалининг қуйи қисмида бормоқда. Шунга қарамай, Сулливан каби ёш юлдузларнинг ўйини мухлислар ва мутахассисларда катта умид уйғотмоқда.
“Zamin”ни Telegram'да ўқинг!
