Россия Саноат ва савдо вазирлиги босма платаларга компонентларни ўрнатувчи Европа автоматлаштирилган Эуропласер АТОМ 4 ускунасини харид қилиш учун 256 миллион рубл ажратди. КНевс нашрининг хабар беришича, ушбу технология Москвадаги «Гамма» илмий-ишлаб чиқариш корхонаси учун мўлжалланган. Бу ҳақда Ixbt.com хабар беради.
Давлат харидлари маълумотларига кўра, янги қурилма соатига камида 75 мингта компонентни ўрнатиш қувватига эга бўлиши керак. Шунингдек, у 450 × 500 мм ўлчамдаги платалар билан ишлашга мослаштирилган бўлиб, корхонада мавжуд бўлган Эуропласер ИИНEО-ИIT Plus ва АТОМ 3 линиялари билан тўлиқ интеграция қилинади.
Ушбу харид «Гамма» маркази томонидан Москвада амалга оширилаётган микроэлектроника дизайн-марказини модернизация қилиш ва техник қайта жиҳозлаш лойиҳасининг бир қисмидир. Айни пайтда мазкур майдончада радиоэлектрон маҳсулотларни кичик серияли ишлаб чиқаришга ихтисослашган комплекс фаолият юритмоқда.
Эслатиб ўтамиз, 2026-йилнинг ноябрь ойида корхона худди шундай турдаги ускуналарни харид қилиш учун 142,8 миллион рубл миқдорида маблағ ажратган эди. Мазкур техникаларни етказиб бериш объектдаги тайёргарлик ҳолатига қараб, 2026-йилнинг август-ноябрь ойларига режалаштирилган.
“Zamin”ни Telegram'да ўқинг!
