Манчестер Юнайтед афсонаси Петер Счмеичел Арсеналнинг Вест Хем устидан қозонган 1:0 ҳисобидаги ғалабасидан сўнг ҳакамлар ишини кескин танқид қилди. Учрашув сўнггида Вест Хем томонидан киритилган гол VAR тизими томонидан бекор қилингани фахрий дарвозабоннинг кескин норозилигига сабаб бўлди. Бу ҳақда Goal.com хабар беради.
Счмеичелнинг фикрича, Арсенал айнан шундай услубдаги курашлар эвазига кўплаб голлар уради ва агар бу вазиятда қоида бузилиши қайд этилса, лондонликлар турнир жадвалида пешқадам бўла олмасди. У ҳакамларнинг қарор қабул қилиш жараёнидаги ноаниқлик ва икки томонлама стандартлардан ғазабда эканлигини яширмади.
VAR тизими голни бекор қилиш учун беш дақиқа вақт сарфлагани вазиятнинг шубҳали эканлигини кўрсатади, дейди Счмеичел. Унинг таъкидлашича, бутун мавсум давомида рухсат берилган кураш услуби айнан шу ўйинда қоида бузилиши деб топилиши адолатсизликдир.
Ушбу ғалаба Арсеналга Англия Премер-лигасида 79 очко билан пешқадамликни сақлаб қолиш имконини берди. Манчестер Сити эса 74 очко билан таъқибни давом эттирмоқда, бироқ уларда захира ўйини мавжуд.
Вест Хем учун эса бу мағлубият жуда қимматга тушиши мумкин. Турнир жадвалининг 18-поғонасида бораётган жамоа учун қўлга киритилиши мумкин бўлган бир очко жон сақлаб қолиш йўлида ҳал қилувчи аҳамиятга эга эди.
“Zamin”ни Telegram'да ўқинг!
