Бавария ҳужумчиси Гарри Кейн Бундеслигадаги пеналтилар бўйича ўзининг ажойиб сериясини тўхтатди. Вольфцбург дарвозасига белгиланган 11 метрлик жарима зарбасини амалга ошираётган инглиз футболчиси тўпни дарвозадан анча узоққа тепиб юборди. Бу ҳолат мухлислар ва экспертлар ўртасида катта муҳокамаларга сабаб бўлди. Бу ҳақда Goal.com хабар беради.
Кадрлар таҳлили шуни кўрсатдики, Вольфцбург ҳимоячиси Жеануел Белоциан ҳакам чалғиган вақтда пеналти нуқтаси атрофидаги майсани атайлаб оёқлари билан бузиб ташлаган. Бу "ифлос ўйин" усули Кейн зарба бераётган вақтда унинг таянч оёғи сирпаниб кетишига ва зарбанинг ноаниқ чиқишига олиб келди.
Ушбу омадсизлик Гарри Кейннинг Бундеслигадаги кетма-кет 24 та муваффақиятли пеналтилар сериясига чек қўйди. Бавария таркибида 40 та пеналтидан 37 тасини голга айлантирган футболчи, барибир 92,5 фоизлик кўрсаткич билан дунёнинг энг яхши пеналтичиларидан бири бўлиб қолмоқда.
Гарчи бу вазият ўйиннинг энг муҳим лаҳзаларидан бири бўлса-да, Гарри Кейн жорий мавсумда Бундеслигада 33 та гол билан тўпурарлар пойгасини яққол бошқармоқда. Унинг яқин таъқибчиси Денис Ундав ҳисобида эса атиги 19 та гол мавжуд.
“Zamin”ни Telegram'да ўқинг!
