Ўзбекистонлик аралаш жанг санъати жангчиси Саид-Ёқуб Қаҳрамонов Дубай шаҳрида ўтказилган АСА 194 турнирида биринчи ғалабасини қўлга киритди. У мисрлик Омaр Эл Билини мағлубиятга учратди.
Қаҳрамонов жанг майдонига 12–3 кўрсаткичдаги профессионал рекорд билан кирди. У илгари UFC ва LFA каби нуфузли лигаларда иштирок этган.
Унинг рақиби, 8–4 рекордга эга бўлган 4 ёш кичик мисрлик жангчи Омaр Эл Били эди. Жангчилар бир хил – 170 см бўйга эга бўлишларига қарамасдан, тажриба жиҳатидан фарқ катта эди.
Қаҳрамонов Эл Билини биринчи раундда бўғиш усули билан мағлуб этди, жанг раунд тугашига 45 сония қолганда якунланди. Бу билан у ўз рекордига 13-ғалабасини қўшди.
Шу куни яна бир ватандошимиз Холмурод Нурматов ҳам жангга чиқади. Унинг рақиби россиялик Умалат Исрапилов бўлади.
Турнирнинг асосий жангида Амир Алиакбари ва Тони Жонсон кичик куч синашади.
