Европада қишки вақт тизимига ўтилиши муносабати билан Еврокубоклар жадвали ўзгарди — энди барча ўйинлар бир соат кеч бошланади. Агар илгари Чемпионлар Лигаси ўйинлари Тошкент вақти билан ярим тундан бошланган бўлса, энди илк ҳуштак соат 01:00 да янграйди.
Бу ўзгариш Европа мамлакатларининг қишки вақтга ўтиши билан боғлиқ, Ўзбекистонда эса мавсумий вақт ўзгариши йўқ. Европа қишки вақт тизимидан фақат 2026 йилнинг март ойи охирида чиқади.
Шу сабабли Чемпионлар Лигаси, Европа Лигаси ва Европанинг юқори даражадаги чемпионатлари ўйинлари баҳоргача бир соат кеч бошланади. 5-ноябрь куни бир вақтда иккита марказий учрашув бўлиб ўтади.
Ҳар икки ўйин Тошкент вақти билан соат 01:00 да бошланади. Ўзбекистонлик футбол ишқибозлари кечки трансляцияларга кўникишлари керак бўлади — энди барча Еврокубокларнинг кечки ўйинлари одатдагидан бир соат кеч бошланади.
