Англия Премьер-лигаси доирасидаги 11-тур учрашувида "Арсенал" меҳмонда "Сандерленд"га қарши баҳс олиб борди. Ўйин 2:2 ҳисобида якунланди.
Меҳмонлар ўйин назоратини қўлларида ушлаган бўлса-да, дарвозабон Давид Райанинг хатоси туфайли сўнгги дақиқаларда ғалабадан маҳрум бўлишди. Учрашув бошида мезбонлар эҳтиёткорлик билан ўйнашди, аммо биринчи имкониятни голга айлантиришди.
36-дақиқада ҳимоячи Баллард жарима зарбасидан узатилган тўпни дарвозага йўллаб, "Сандерленд"ни олдинга олиб чиқди. "Арсенал" ҳужумкорликни оширди, аммо биринчи бўлимда мезбонлар дарвозабонини доғда қолдира олмади.
Райс ва Сака бир неча ҳужум ташкил қилди, аммо зарбаларида аниқлик етишмади. Иккинчи бўлимда Микел Артета жамоаси ўйин суръатини оширди.
54-дақиқада Сака кучли зарба билан ҳисобни тенглаштирди. Шундан сўнг Троссар қанотдан марказга силжиб, 72-дақиқада дарвозанинг бурчагига аниқ зарба йўллади ва "канонирлар"ни олдинга олиб чиқди.
Меҳмонлар учинчи голни уришга яқин бўлишди, аммо Мерино ва Райс ўз имкониятларини бой беришди. Учрашув якунида мезбонлар босимни оширди.
Райа бир неча бор жамоасини муқаддар голлардан қутқаришга муваффақ бўлди, аммо ҳал қилувчи вазиятда хато қилди. 90-дақиқада Бробби ҳаводаги курашда устун келиб, акробатик зарба билан тўпни дарвозага йўллади.
Ҳакам ВАР орқали вазиятни текширгач, голни тасдиқлади.
