"Ньюкасл" Англия Премьер-лигасининг 12-турида сафарда "Эвертон"ни 4:1 ҳисобида мағлубиятга учратди. Hill Dickinson стадионида ўтган ўйинда меҳмонлар стандарт вазиятлардан унумли фойдаланиб, рақибни позицион ҳужумлар билан енгишди ва мезбонларга ўйинга қайтиш имконини бермади.
Эдди Хоунинг жамоаси босимни босқичма-босқич ошириб, якуний ҳуштакдан сўнг рақибни барча компонентларда ортда қолдирди. Учрашув "Ньюкасл"нинг тезкор ҳужуми билан бошланди.
Дастлабки дақиқадаёқ Майли бурчак тўпини оширди, Тиав эса ҳаводаги курашда устун келиб, боши билан дарвозани аниқ нишонга олди. Мезбонлар бу зарбадан кейин ўзларини тиклаб ололмай, позицион ҳужумлар уюштира олишмади.
Шундан сўнг меҳмонлар қанотлар орқали босимни давом эттиришди. "Эвертон" марказда тўпни йўқотиб, ҳимоядан чиқишда хатоларга йўл қўйди.
25-дақиқада Пикфорднинг хатоси рақиб томонидан тўпни эгаллашга олиб келди. Берн Майлига узатмани амалга оширди, у эса совуққонлик билан узоқ бурчакка зарба берди ва ҳисобни 0:2 кўринишига келтирди.
Бу вазиятдан сўнг мезбонлар асабийлашиб қолди. Қанотларнинг тезкорлиги билан фойдаланган "Ньюкасл" 45-дақиқада Эланганинг Волтемадени зарба учун қулай ҳолатга олиб чиқиши орқали учинчи голни киритди.
VAR тизими текширувидан кейин бу гол ўз кучини сақлаб қолди. Иккинчи бўлимда "Эвертон" фаоллашди.
64-дақиқада Барри нишонга йўлланган тўпни қайта тепиб дарвозага киритди, аммо ҳужум вақтида қўполлик сабабли гол бекор қилинди. Шунга қарамай, "Эвертон" тез орада гол уришга муваффақ бўлди.
69-дақиқада Дюсбери Холл Тарковски узатмасидан сўнг чап оёғи билан зарба йўллаб ҳисобни қисқартирди. Аммо бу қувонч узоққа чўзилмади.
Меҳмонлар дарҳол ҳисобдаги фарқни яна оширди. 79-дақиқада Рэмзи Уиллокнинг узатмасини қабул қилиб, яқин бурчакка аниқ зарба берди — 1:4.
Тўртинчи голдан сўнг мезбонлар бутунлай руҳий тушкунликка тушди.
Меҳмон гуруҳидаги фойдаланувчилар ушбу мақолага изоҳ қолдира олмайди.
