Ҳамюртимиз Илья Сибирцев АҚШда олтин ва кумуш медалларни қўлга киритди

2025  йил 9 декабр куни АҚШнинг Техас штатида Toyota U.S. Open Championships сузиш мусобақалари бўлиб ўтмоқда.

Мусобақада Ўзбекистон терма жамоаси вакили Илья Сибирцев ёрқин иштирок этиб, икки марта шоҳсупага кўтарилди. Дастурнинг биринчи кунида Сибирцев 1500 метр масофага эркин усулда сузишда олтин медални қўлга киритди.

У 15:05.51 натижа билан маррага етиб, Ўзбекистон миллий рекордини янгилади. Аввалги рекорд 15:15.15 бўлиб, у ҳам спортчининг ўзига тегишли эди.

Мусобақаларнинг сўнгги кунида эса Сибирцев 800 метр масофага эркин усулда сузишда кумуш медални қўлга киритиб, 7:51.85 натижа қайд этди. У халқаро майдонда ўзининг барқарор юқори савиясини яна бир бор намойиш этди.

Marifat Mahmanova

«ZAMIN.UZ» муҳаррири