2025 йил 10 декабр куни Чемпионлар лигаси умумий босқичининг олтинчи турида "Ливерпул" сафарда "Интер"ни 1:0 ҳисобида мағлуб этди. Якуний дақиқаларда Доминик Собослаининг пенальтидан киритган голи инглизларга ғалабани тақдим этди.
Шу тариқа, "Ливерпул" 12 очкого эга бўлиб, турнир жадвалида "Интер"ни қувиб етди. Учрашув эҳтиёткорлик билан бошланди, рақиблар узоқ вақт бир-бирини ўргандилар.
"Интер" аста-секин ташаббусни қўлга олиб, рақиб жарима майдонига кўпроқ кириб борди. Зелински ва Мартинес хавфли вазиятлар яратишга уриндилар, бироқ Алиссон ишончли ўйнади.
"Ливерпул" эса Жонс ва Гравенберхнинг узоқ масофадаги зарбалари билан жавоб қайтарди, Зоммер мезбонларни қутқарди. Тайм ўртасида Чалҳаноғлу жароҳат олиб, унинг ўрнига Зелински майдонга тушди.
Биринчи бўлим охирида Димарконинг узатмаларидан сўнг "Интер" дарвоза томон бир неча бор хавф туғдирди. Иккинчи бўлимда "Ливерпул" дадилроқ ўйнай бошлади ва прессинги кучайди.
Исак ва Экитике қанотлардан фаол ҳужум қилишди, лекин "Интер" ҳимояси мустаҳкам турди. Арне Слот Вирц ва Брэдлини майдонга тушириб, ҳужумларга тезлик қўшди.
Брэдли дарҳол Зоммернинг дарвозасини ўнг қанотдан зарба билан синаб кўрди. "Интер" Тюрам ва Мхитаряннинг зарбалари билан жавоб берди, аммо аниқлик етишмади.
Ўйин охирида "Ливерпул" мезбонларнинг жарима майдонига тобора кўпроқ босим ўтказди. Экитике юмшоқ узатма билан Вирцга тўпни оширди, у жарима майдонига кириб борди.
Бастони ярим ҳимоячини футболкасидан ушлаб, тўпни бош билан қайтарди. Дастлаб ҳакам Феликс Цваиер ўйинни давом эттирди, аммо ВАР аралашуви билан вазият қайта кўриб чиқилди ва пенальти белгиланди.
Бастони сариқ карточка олди. Собослаи пенальтини чап бурчакка ишонч билан амалга оширди.
Зоммер тўғри йўналишни танлади, бироқ тўпни қайтара олмади. Қўшиб берилган дақиқаларда "Интер" бир неча бурчак зарбаси ижро этди, аммо Алиссон хатога йўл қўймади.
Интер — Ливерпул 0:1
Гол: Собослаи 88 пен
Интер – Зоммер, Аканжи, Ачерби (Биссек, 31), Бастони, Луис Энрике, Барелла, Чалханўғли (Зиелински, 11), Мхитарян (Cучич, 82), Димарко (Карлос Аугусто, 82), Тюрам (Бонни, 82), Мартинес.
Ливерпул – Алиссон, Гомес (Брэдли, 68), Ван Дейк, Конате, Собослаи, Макаллистер, Жонс, Робертсон, Гравенберҳ, Экитике, Исак (Виртц, 68).
Огоҳлантиришлар: Мартинес 13, Мхитарян 57 – Экитике 39, Жонс 73.
Меҳмон гуруҳидаги фойдаланувчилар ушбу мақолага изоҳ қолдира олмайди.
