“Ювентус” қанот ҳужумчиси Франсишку Консейсау Криштиану Роналду Португалия терма жамоаси учун қанчалик муҳим экани ҳақида фикр билдирди. Бу ҳақда euro-football.ru хабар беради.
40 ёшли “Ал-Наср” форварди саралаш ўйинларида бешта гол уриб, Португалияга 2026 йилги жаҳон чемпионати йўлланмасини қўлга киритишда катта ҳисса қўшди.
Консейсауга “Португалия Роналду бўлмаса яхшироқ ўйнайди” деган гаплар юзасидан савол берилди.
Футболчининг таъкидлашича, ҳар кимнинг ўз қараши бўлиши мумкин, аммо жамоа Роналду хизматини ҳануз бебаҳо деб ҳисоблайди. Консейсау “у терма жамоа учун қилган ва ҳозир ҳам қилаётган ишларини инкор этиб бўлмайди, агар доимий гол уришда давом этса, жамоага жуда катта фойда келтиради”, деди. Унинг сўзларини Al Nassr Zone келтирди.
Маълумот учун, Португалия ЖЧ-2026да Ўзбекистон ва Колумбия билан бир гуруҳдан ўрин олади. Гуруҳдаги учинчи рақиб плей-офф якунларига кўра аниқланади.
“Zamin”ни Telegram'да ўқинг!
