«Ювентус» бош мураббийи Лучано Спаллетти ҳамда «Наполи» устози Антони Конте А Сериянинг 22-тури доирасидаги ўзаро учрашув олдидан режалаштирилган матбуот анжуманларини ўтказмасликка қарор қилди. Бу ҳақда euro-football.ru хабар беради.
Спаллетти журналистлар билан учрашувдан атиги икки соат аввал мулоқот қилмаслигини маълум қилган. Контенинг қарорига эса жамоасининг Чемпионлар лигасида «Копенгаген»га қарши ўтган сўнгги баҳсдаги дуранг натижаси (1:1) ва ўйиндан қониқмаслиги сабаб бўлгани айтилади.
Қайд этилишича, бу икки мутахассиснинг ўйинолди медиа-тадбирларини четлаб ўтиши илк бор кузатилаётгани йўқ.
«Ювентус» – «Наполи» учрашуви 25-январ куни Туринда бўлиб ўтади. Ўйин 22:00 да (Тошкент вақти билан) старт олади. 21-турдан кейин «Ювентус» 39 очко билан 5-ўринда, «Наполи» эса 43 очко тўплаб 3-поғонада бормоқда.
“Zamin”ни Telegram'да ўқинг!
