Ҳафтанинг дам олиш кунлари Европа футболи янада қизғин паллага кирди. “Топ-5” чемпионатлардаги навбатдаги тур баҳслари нафақат турнир жадвалига, балки жамоаларнинг мавсумдаги тақдирига ҳам жиддий таъсир кўрсатиши мумкин. Қуйида ҳар бир чемпионат бўйича асосий ўйинларга алоҳида тўхталиб ўтамиз.
Англия Кубоги: финал сари ҳал қилувчи қадам
Англия Кубоги доирасида ярим финал босқичи мухлисларга катта интрига ваъда қилмоқда. "Манчестер Сити" — "Саутгемптон" учрашуви бу босқичнинг энг марказий баҳси ҳисобланади. “Шаҳарликлар” одатдагидек фаворит сифатида майдонга тушади, аммо кубок ўйинларида сюрпризлар ҳар доим мавжуд. "Саутгемптон" учун бу имконият — мавсумни қутқариб қолиш шансидир.
Англия Кубоги | 1/2 финал
21:15 — “Манчестер Сити” – “Саутгемптон”
Англия Премьер-лигаси: чемпионлик пойгаси қизийди
Англия Премьер-лигасида ҳар бир очко олтинга тенг. "Арсенал" ўз уйида "Ньюкасл"ни қабул қилади. Лондонликлар чемпионликка жиддий даъвогар, шунинг учун йўқотишга ҳаққи йўқ. Шу билан бирга, “Ливерпуль” ва “Тоттенхэм” иштирокидаги баҳслар ҳам юқори поғоналар тақдирига таъсир қилиши мумкин.
АПЛ | 34-тур
16:30 — “Фулхэм” – “Астон Вилла”
19:00 — “Вест Хэм” – “Эвертон”
19:00 — “Вулверхэмптон” – “Тоттенхэм”
19:00 — “Ливерпуль” – “Кристал Пэлас”
21:30 — “Арсенал” – “Ньюкасл”
Испания Ла Лигаси: "Барселона" босим остида
Ла Лигада пешқадам "Барселона" сафарда "Хетафе"га қарши майдонга тушади. Бу каби ўйинлар доимо қийин кечади — майдон эгаси ҳимояга ёпилиб олиб, фаворитга қарши қарши ҳужумда ўйнайди. Шунингдек, “Атлетико Мадрид” — “Атлетик Бильбао” баҳси ҳам турнинг энг қизиқарли ўйинларидан бири бўлади.
Ла Лига | 32-тур
17:00 — “Алавес” – “Мальорка”
19:15 — “Хетафе” – “Барселона”
21:30 — “Валенсия” – “Жирона”
00:00 — “Атлетико Мадрид” – “Атлетик Бильбао”
Италия А Серияси: Еврожойлар учун кураш
А Серияда мавсум охири яқинлашар экан, ҳар бир очко ҳал қилувчи аҳамият касб этмоқда. “Болонья” — “Рома” учрашуви айниқса диққат марказида. Римликлар Евротурнирлар йўлланмаси учун курашаётган бўлса, рақиб жамоа ҳам ўз позициясини мустаҳкамлашга интилмоқда.
А Серия | 34-тур
18:00 — “Парма” – “Пиза”
21:00 — “Болонья” – “Рома”
23:45 — “Верона” – “Лечче”
Франция Лига 1: ПСЖ яна устунми?
Лига 1да ПСЖ сафарда “Анже”га қарши ўйнайди. Парижликлар одатдагидек фаворит, аммо мавсумнинг сўнгги босқичида ҳар қандай бўшашиш қимматга тушиши мумкин. “Монако” ва “Лион” иштирокидаги ўйинлар ҳам юқори ўринлар учун жуда муҳим.
Лига 1 | 31-тур
18:00 — “Лион” – “Осер”
22:00 — “Анже” – ПСЖ
00:05 — “Тулуза” – “Монако”
Германия Бундеслигаси: "Бавария"ни қийин синов кутмоқда
Бундеслигада "Бавария" сафарда “Майнц 05”га қарши баҳс олиб боради. Чемпионликни муддатидан олдин расмийлаштирган немис гранди учун қолган ҳар бир ўйин ҳал қилувчи аҳамиятга эга бўлмасада, лекин мухлислар учун ва жамоа имижи учун бўшашишга ҳаққи йўқ. Шунингдек, “Байер Леверкузен” иштирокидаги учрашув ҳам турнинг диққатга сазовор баҳсларидан бири ҳисобланади.
Бундеслига | 31-тур
18:30 — “Майнц 05” – “Бавария”
18:30 — “Вольфсбург” – “Боруссия Мёнхенгладбах”
18:30 — “Аугсбург” – “Айнтрахт Франкфурт”
18:30 — “Хайденхайм” – “Санкт-Паули”
18:30 — “Кёльн” – “Байер Леверкузен”
21:30 — “Гамбург” – “Хоффенхайм”
Умуман олганда, бу дам олиш кунлари Европа футболи мухлисларига юқори даражадаги интрига, кескин рақобат ва эҳтимолий сенсациялар билан бой бўлган ўйинларни тақдим этади. Энди барча эътибор — майдонда!
