"Барселона" бош мураббийи Ханс-Дитер Флик "Мальорка"га қарши 3:0 ҳисобидаги учрашувдан сўнг Ламин Ямалнинг ўйини ҳақида фикр билдирди. Бу ҳақда euro-football.ru хабар беради.
18 ёшли вингер 61-дақиқада гол уриб, ҳисобни 2:0 кўринишига келтирди. 78-дақиқада эса у Руни Бардғжи билан алмаштирилди. Орадан кўп ўтмай каталонияликлар Марк Берналнинг голи эвазига учинчи бор рақиб дарвозасини ишғол қилди.
Фликнинг таъкидлашича, Ямал биринчи бўлимда унчалик яхши кўринмаган, танаффусдан кейин эса анча фаол ва ишончли ҳаракат қилган. Мураббий Ламин ўйиндан завқ олаётганини айтар экан, уни алмаштириш қарори навбатдаги учрашув яқинлиги билан боғлиқлигини қўшимча қилди.
12-февраль куни "кўк-анорранглилар" Испания Кубоги ярим финалининг илк ўйинида сафарда Мадриднинг "Атлетико" жамоасига қарши майдонга тушади.
“Zamin”ни Telegram'да ўқинг!
