"Barselona" bosh murabbiyi Hans-Diter Flik "Mallorka"ga qarshi 3:0 hisobidagi uchrashuvdan so'ng Lamin Yamalning o'yini haqida fikr bildirdi. Bu haqda euro-football.ru xabar beradi.
18 yoshli vinger 61-daqiqada gol urib, hisobni 2:0 ko'rinishiga keltirdi. 78-daqiqada esa u Runi Bardg'ji bilan almashtirildi. Oradan ko'p o'tmay kataloniyaliklar Mark Bernalning goli evaziga uchinchi bor raqib darvozasini ishg'ol qildi.
Flikning ta'kidlashicha, Yamal birinchi bo'limda unchalik yaxshi ko'rinmagan, tanaffusdan keyin esa ancha faol va ishonchli harakat qilgan. Murabbiy Lamin o'yindan zavq olayotganini aytar ekan, uni almashtirish qarori navbatdagi uchrashuv yaqinligi bilan bog'liqligini qo'shimcha qildi.
12-fevral kuni "ko'k-anorranglilar" Ispaniya Kubogi yarim finalining ilk o'yinida safarda Madridning "Atletiko" jamoasiga qarshi maydonga tushadi.
“Zamin”ni Telegramʻda oʻqing!
