А Сериянинг 24-турида «Фиорентина» ўз майдонида «Торино»ни қабул қилди ва уч очкони қўлдан бой бериб қўйди. Флоренсияликлар ўйин давомида бир неча бор устун кўрингани билан, якунда 90-дақиқалардаги зарба уларни ғалабадан маҳрум қилди — 2:2. Бу ҳақда euro-football.ru хабар беради.
Учрашув бошида мезбонлар ҳужумда фаоллик кўрсатди: 10-дақиқада Пьетрони Комуццонинг узатмасидан сўнг Мойзе Кин имкониятга эга бўлди, бироқ зарбаси дарвоза соҳасига бормади. Бироқ ҳисобни «Торино» очди — тайм ўрталаридан Чезаре Касадей Эмирхон Илхон пасини якунлаб, меҳмонларни олдинга олиб чиқди (0:1).
Иккинчи бўлимда вазиятлар янада кескинлашди. Мандрагора ва Кин қулай вазиятлардан фойдалана олмади, 51-дақиқада эса Манор Соломон жарима майдони ташқарисидан аниқ зарба йўллаб, мувозанатни тиклади (1:1). Орадан олти дақиқа ўтиб, Кин Жек Харрисоннинг ассистидан сўнг бу сафар хато қилмай, «Фиорентина»ни олдинга олиб чиқди — 2:1.
Мезбонлар ғалабани ушлаб қолишга яқин турган пайтда драматик якуний воқеа юз берди. Қўшиб берилган дақиқаларнинг тўртинчисида Гвидас Гинейтис аниқ узатма берди, Гильермо Марипан эса боши билан ҳисобни тенглаштирди — 2:2.
Ушбу дурангдан сўнг «Торино» турнир жадвалида 13-ўринда қолди, «Фиорентина» эса пастки қисмда — қуйи учликка яқин ҳудудда қолиб кетди.
“Zamin”ни Telegram'да ўқинг!
