A Seriyaning 24-turida “Fiorentina” o'z maydonida “Torino”ni qabul qildi va uch ochkoni qo'ldan boy berib qo'ydi. Florensiyaliklar o'yin davomida bir necha bor ustun ko'ringani bilan, yakunda 90-daqiqalardagi zarba ularni g'alabadan mahrum qildi — 2:2. Bu haqda euro-football.ru xabar beradi.
Uchrashuv boshida mezbonlar hujumda faollik ko'rsatdi: 10-daqiqada Pyetroni Komutssoning uzatmasidan so'ng Moyze Kin imkoniyatga ega bo'ldi, biroq zarbasi darvoza sohasiga bormadi. Biroq hisobni “Torino” ochdi — taym o'rtalarida Chezare Kasadey Emirhon Ilhon pasini yakunlab, mehmonlarni oldinga olib chiqdi (0:1).
Ikkinchi bo'limda vaziyatlar yanada keskinlashdi. Mandragora va Kin qulay vaziyatlardan foydalana olmadi, 51-daqiqada esa Manor Solomon jarima maydoni tashqarisidan aniq zarba yo'llab, muvozanatni tikladi (1:1). Oradan olti daqiqa o'tib, Kin Jek Harrisonning assistidan so'ng bu safar xato qilmay, “Fiorentina”ni oldinga olib chiqdi — 2:1.
Mezbonlar g'alabani ushlab qolishga yaqin turgan paytda dramatik yakun yuz berdi. Qo'shib berilgan daqiqalarning to'rtinchisida Gvidas Gineytis aniq uzatma berdi, Gilyermo Maripan esa boshi bilan hisobni tenglashtirdi — 2:2.
Ushbu durangdan so'ng “Torino” turnir jadvalida 13-o'rinda qoldi, “Fiorentina” esa pastki qismda — quyi uchlikka yaqin hududda qolib ketdi.
“Zamin”ni Telegramʻda oʻqing!
