Криштиану Роналду бойкотни якунламоқда. Кутилишича, португалиялик ҳужумчи дам олиш кунлари Саудия Арабистони чемпионатида «Ал-Фатеҳ»га қарши учрашувда иштирок этади. Бу ҳақда euro-football.ru хабар беради.
A Bola хабарига кўра, «Ан-Наср» раҳбарияти юлдуз футболчи босими фоннда икки талабни бажариб берди. Аввало, Ар-Риёд клуби сўнгги соатларда ходимлар олдидаги қарздорликларни ёпди. Шунингдек, Роналдунинг спорт блоки атрофидаги яқин одамлари — Жозе Семеду ва Симау Континьо — ваколатларини қайта тиклади. Аввалроқ ушбу икки функционер қишки трансфер кампаниясида муҳим рол ўйнай олмаган эди.
Ҳозирда «Ан-Наср» Про-лига жадвалида иккинчи ўринда бормоқда ва пешқадам «Ал-Ҳилол»дан бир очко ортда қолмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
