Уругвайлик ҳужумчи Дарвин Нуньес мавсумнинг қолган қисмида Арабистон чемпионатида майдонга тушмайди. «Ал-Ҳилол»ни бошқараётган италиялик мураббий клубга янги келиб қўшилган Карим Бенземани рўйхатдан ўтказиш учун Нуньесни лига учун берилган аризадан чиқариб ташлади. Бу ҳақда euro-football.ru хабар беради.
Шу билан бирга, Нуньес жамоанинг Осиё Чемпионлар Лигаси учрашувлари учун қайдномада қолдирилган.
Эслатиб ўтамиз, Дарвин Нуньес аввалроқ Испаниянинг «Алмерия», Португалиянинг «Бенфика» ва Англиянинг «Ливерпул» клубларида тўп сурган. У 2019 йилдан буён Уругвай миллий жамоасига жалб этилиб келади ва ҳозиргача терма жамоа сафида 13 та гол урган. 2022 йилги Қатар жаҳон чемпионатида ҳам иштирок этган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
