Диего Симеоне Испания Кубоги финали олдидан журналистларга ўз фикрларини билдириб, жамоа руҳияти ва тайёргарлиги ҳақида гапирди. Мадриднинг "Атлетико Мадрид" жамоаси ҳал қилувчи баҳсда "Реал Сосьедад"га қарши майдонга тушади.
Симеоне ҳар бир финал спортчи учун алоҳида аҳамиятга эга эканини таъкидлаб, ғалаба учун охиригача курашиш зарурлигини айтди. Унинг сўзларига кўра, жамоа сўнгги ўйинларда катта юкламани бошдан кечирган бўлса-да, бу уларни янада пишитган.
"Ҳар қандай спортчи учун финалда ўйнаш ва ғалаба учун бор кучини бериш қанчалик муҳимлигини яхши биламиз", — деди Симеоне.
Мутахассис сешанба куни "Барселона"га қарши ўтказилган (1:2) ўйинни ҳам эсга олиб ўтди. Ушбу натижа жамоага UEFA Чемпионлар лигаси ярим финалига йўл очганини таъкидлади, лекин энди барча эътибор янги вазифага қаратилганини айтди.
"Сешанба куни биз муҳим ўйин ўтказдик — "Барселона"га қарши (1:2), бу натижа Чемпионлар лигаси ярим финалига чиқишимизга ёрдам берди. Аммо ҳозир биз яна реалликка қайтдик.,” деган Симеоне, рақиб жуда уюшган ва турли ҳужум вариантларига эга жамоа эканини алоҳида урғу берди. Шу сабабли, финал олдидан ҳар бир детал устидан жиддий иш олиб борилаётганини билдирди.
"Биз кучли рақибга қарши қандай қийинчиликлар кутилаётганини тушунамиз. Улар турли ҳужум схемаларига эга жамоа", — деди Симеоне.
Унинг таъкидлашича, ғалаба қозониш учун "Атлетико Мадрид" майдонга тўлиқ тайёрлик, максимал концентрация ва характер билан чиқиши шарт. Симеоне услуби ўзига хос — эмоция кўп, талаб юқори, натижа эса доим биринчи ўринда.
"Шу боис, ғалаба қозониш учун майдонга тўлиқ тайёр ҳолда чиқишни режа қиляпмиз", — деди Симеоне.
Қисқаси, финал олдидан сигнал аниқ: “Атлетико” ҳеч нарсани тасодифга қолдирмоқчи эмас.
“Zamin”ни Telegram'да ўқинг!
