«Локомотив»нинг собиқ президенти Николай Наумов «Бенфика» бош мураббийи Жозе Моуриню фаолиятини давом эттириши мумкин бўлган чемпионат ҳақида фикр билдирди. У бу борадаги мулоҳазаларини «Евро-Футбол.Ру» нашрига берган интервьюсида айтиб ўтди. Бу ҳақда euro-football.ru хабар беради.
Наумовнинг таъкидлашича, Моуриню учун энг тўғри йўл — бироз танаффус қилиш. Унинг фикрича, португалиялик мутахассис футбол тенденцияларидан ортда қолган: авваллари сирли, кутилмаган ва оригинал услуби билан танилган мураббий ҳозирда оддийроқ ва кўзга ташланмайдиган даражага тушиб қолган.
Наумов Моуринюга Саудия Арабистони чемпионати мос келишини айтди: у ерда маошлар юқори, шов-шув ва можароларни яхши кўришади, шунингдек, тажрибали, ёши катта юлдузлар билан ишлаш имконияти бор. Экспертнинг фикрича, айнан шу лига Моуриню учун қулай вариант бўлиши мумкин.
Эслатиб ўтамиз, Моуриню бошқарувидаги «Бенфика» Чемпионлар лигаси 1/16 финалида Мадриднинг «Реал»ига қарши майдонга тушади. Илк учрашув 17 февраль куни Португалияда бўлиб ўтади.
“Zamin”ни Telegram'да ўқинг!
