«Ливерпуль» ҳимоячиси Жереми Фримпонг жамоанинг жорий мавсумдаги натижаларини муваффақиятсизлик деб ҳисобламайди. «PSJ»дан учралган мағлубиятдан сўнг жамоа Чемпионлар лигасини тарк этди ва совринсиз қолиши деярли аниқ бўлди. Бу ҳақда Goal.com хабар беради.
Бироқ футболчи НБА юлдузи Янис Антетокунмпо мисолида бу ҳолатни муваффақият сари йўл деб атади.
Фримпонгнинг сўзларига кўра, доимий равишда ғалаба қозонишнинг имкони йўқ ва баъзида қайтадан кучли жамоа тузиш учун бундай вазиятлардан ўтиш керак. У Майкл Жордан ҳам ҳар доим финалларда ғалаба қозонмаганини, аммо бу унинг фаолиятини қадрсизлантирмаслигини таъкидлади.
Футболчи ҳар қандай умидсизликка қарамай, бу жараённи ривожланиш босқичи деб билади.
Англиядаги дебют мавсумида Фримпонг уч марта жароҳат олди ва бу унинг ўйинига таъсир қилди. Ҳимоячи жамоада ҳеч ким ютқазишни ёқтирмаслигини, аммо «Ливерпуль» кийиниш хонасида стандартлар пасаймаганини айтди.
Унинг фикрича, агар жамоа Англия кубоги ёки Чемпионлар лигасида ғолиб чиққанида, вазият бунчалик ёмон кўринмас эди.
Шунингдек, Фримпонг «Байер»дан бирга келган жамоадоши Флориан Виртц ҳақида ҳам тўхталди. У Виртснинг маҳоратига шубҳа қилмаслигини ва у тез орада ўзининг энг яхши формасига қайтишини билдирди.
Ҳимоячи сардор Виржил ван Дейкнинг маслаҳатларига таяниб, «Ливерпуль»да қолишни ва жамоа билан янги муваффақиятларга эришишни исташини қўшимча қилди.
“Zamin”ни Telegram'да ўқинг!
