Франция Лиганинг 1 22-турида «Марсель» ўз майдонида «Страсбург»ни қабул қилди ва 2:0 ҳисобида олдинда бориб, якунда дурангга рози бўлди. Бу ҳақда euro-football.ru хабар беради.
Учрашувнинг 5-дақиқасида Диегу Морейра жарима майдонига аниқ узатма ташлади, Хоакин Паничелли бош билан зарба берди, бироқ тўп устунга тегди. Кўп ўтмай Амин Гўйри ҳужумни тезлаштириб, Мейсон Гринвудга пас узатди. Гринвуд дарвозабон устидан тўпни ошириб, ҳисобни очди — 1:0.
Танаффусдан кейин «Марсель» тезкор ҳужум уюштирди ва бу сафар Гўйри ўзи вазиятдан унумли фойдаланиб, фарқни иккитага етказди — 2:0.
74-дақиқада «Страсбург» қайтиш учун имкони топди: Себастьян Нанаси узоқдан зарба йўллади, тўп рикошет орқали дарвозадан жой олди — 2:1. Ўйинга қўшиб берилган 7-дақиқада меҳмонлар пенальти ишлаб олди ва Паничелли 11 метрликдан аниқ тепди — 2:2. «Марсель» дарвозабони сўнгги лаҳзагча марказда қолиб кетди.
Бу натижадан сўнг «Марсель» турнир жадвалида учинчи ўриндаги «Лион»ни сиқиб чиқариш имконидан фойдалана олмади. «Страсбург» эса еттинчи поғонада бормоқда.
“Zamin”ни Telegram'да ўқинг!
