Ҳужумчи Лионел Месси бир пайтлар миллий даражада Аргентина эмас, балки Испания терма жамоаси сафида майдонга тушиш эҳтимоли бўлганини айтиб берди. Бу ҳақда euro-football.ru хабар беради.
Мессининг сўзларига кўра, у аллақачон “Барселона”да тўп сураётган даврда бу вариант юзага келган: унга бундай йўл кўплаб футболчиларда учраши, шунинг учун бу одатий ҳол экани эслатилган. Аргентина фуқароси бўлса-да, Месси жуда эрта Барселонага кўчиб келгани ва тайёргарлигининг катта қисмини клуб академиясида ўтагани сабаб, Испания учун ўйнаш имконияти ҳақиқатан ҳам мавжуд бўлган.
Шунга қарамай, футболчи танлови ўзгармаганини таъкидлади: унинг юраги доим Аргентина билан бўлган.
Эслатиб ўтамиз, Месси 2022 йилда Аргентина терма жамоаси билан бирга жаҳон чемпионлигини қўлга киритган.
“Zamin”ни Telegram'да ўқинг!
