Уругвайлик ҳужумчи Эдинсон Кавани Аргентинада оғир вазиятга тушиб қолди: «Бока Хуниорс» мухлислари уни тез-тез ҳуштакбозлик билан кутиб олмоқда. Сўнгги учрашувларда тажрибали форвард баъзан майдонга умуман тушмаяпти ёки ўйинни охиригача етказмай, эрта алмаштирилмоқда. Бу ҳақда euro-football.ru хабар беради.
Аргентина футболининг собиқ юлдузи Оскар Руджерри Каванига нисбатан бундай муносабатни ҳақоратли деб баҳолади. Унинг фикрича, шунча ютуқларга эга футболчи учун бу ҳолат қабул қилиб бўлмайди ва Каванига футбол билан хайрлашган маъқул.
«Бундай таржимаи ҳолга эга футболчи учун бу ҳақорат. Шундай қилишмайди, яхшиси футболни якунлагани тўғри», — дея Руджеррининг сўзларини derbyderbyderby.it келтирди.
Эслатиб ўтамиз, Кавани аввалроқ «Наполи», «ПСЖ» ҳамда «Манчестер Юнайтед» сафида ҳам тўп сурган.
“Zamin”ни Telegram'да ўқинг!
