Германия Бундеслигасининг 24-тури старт учрашувида формаси кўтарилган «Аугсбург» ўз майдонида «Кёльн»ни қабул қилди. Бу ҳақда euro-football.ru хабар беради.
Ўйин кескин вазиятларга бой бўлмади, шунга қарамай биринчи бўлиб меҳмонлар ҳисобни очиб кетиши мумкин эди: бурчак зарбасидан кейин Эрик Мартел боши билан йўллаган тўп тўсинга тегди.
55-дақиқада Ноакай Бенкс жарима майдонига узатмани етказиб берди ва Родриго Рибейру пошна билан жуда чиройли зарба йўллаб, нафақат гол урди, балки ўйиннинг тақдирини ҳам ҳал қилди — 1:0.
Қўшиб берилган вақтнинг 6-дақиқасида «Аугсбург» қарши ҳужумни якунлаб, ҳисобни йириклаштирди: Алексис Клод-Морис иккинчи голни урди — 2:0.
Ушбу натижадан сўнг «Аугсбург» турнир жадвалида 9-ўринда бормоқда, «Кёльн» эса 12-поғонада қолди.
“Zamin”ни Telegram'да ўқинг!
