Бавария ярим ҳимоячиси Жоао Палҳинҳа фаолиятини кутилмаган тарзда ўзгартириши мумкин. А Бола нашрининг хабар беришича, айни дамда ижара асосида Тоттенхем сафида тўп сураётган португалиялик футболчи ўзининг собиқ жамоаси Sportингга қайтиш истагида. Бу ҳақда Goal.com хабар беради.
Sportинг раҳбарияти Мортен Ҳжулманднинг эҳтимолий трансферидан сўнг, марказий ярим ҳимоя чизиғини айнан Палҳинҳа билан кучайтиришни режалаштирмоқда. Футболчи Лиссабон клуби билан уч йиллик шартнома имзолашга тайёр, бироқ асосий муаммо Бавария талаб қилаётган трансфер суммасида қолмоқда.
Тоттенхем бош мураббийи Роберто Де Зерби футболчини жамоада олиб қолиш ниятида ва 30 миллион евролик сотиб олиш бандини фаоллаштиришга тайёр. Шунга қарамай, Палҳинҳа Англия Премер-лигасини тарк этиб, Португалияга қайтишни афзал кўрмоқда.
Эслатиб ўтамиз, Жоао Палҳинҳа жорий мавсумда Тоттенхем сафида 43 та ўйинда майдонга тушиб, 6 та гол урди ва 3 та голли узатмани амалга оширди. Бавария эса 2024-йилда Фулхемдан 51 миллион еврога харид қилинган футболчидан фойда кўришни мақсад қилган.
“Zamin”ни Telegram'да ўқинг!
