Арсенал собиқ ярим ҳимоячиси Жек Уилшир мураббийлик фаолиятини Лутон Товн жамоасида муваффақиятли бошлади. У ёзги трансферлар ойнасида ўзининг собиқ клуби билан боғланиб, Микел Артетадан иқтидорли ёш футболчилар Макс Дауман ва Итан Нванерини ижарага олиш имкониятларини муҳокама қилмоқчи. Бу ҳақда Goal.com хабар беради.
Уилшир талкСПОРТ нашрига берган интервюсида Микел Артета таркибга киритмаган ёш футболчиларни ўз жамоасига таклиф қилишга тайёрлигини тасдиқлади. 34 ёшли мутахассис ўтган давр мобайнида Лутон Товн билан ЭФЛ кубогини қўлга киритди ва жамоани юқори савияда бошқариб келмоқда.
16 ёшли Макс Дауман жорий мавсумда Премер-лиганинг энг ёш гол муаллифига айланди. Эвертон дарвозасига киритган тарихий голи ва ўйинни ўзгартира оладиган маҳорати билан у Микел Артетанинг ҳам эътиборини қозонди. Мураббий футболчининг ёшига нисбатан кўрсатаётган ўйинини ғайритабиий деб баҳолади.
Итан Нванери эса ўтган мавсумни Марсел сафида ижара асосида ўтказиб, қимматли тажриба орттирди. Жек Уилшир ёш футболчилар учун ёзги мавсумолди тайёргарликлари ва АҚШдаги турне уларнинг асосий таркибга кириши учун муҳим имконият бўлишини таъкидлади.
“Zamin”ни Telegram'да ўқинг!
