Арсенал расман Англия Премер-лигаси ғолиби деб эълон қилинди. Манчестер Сити жамоасининг Борнмут билан дуранг ўйнаши ортидан, Микел Артета шогирдлари чемпионат тугашига бир тур қолганида рақиблари учун етиб бўлмас масофага чиқиб олишди. Бу ҳақда Goal.com хабар беради.
Лондонликларнинг бу мавсумдаги муваффақияти тактик интизом ва стандарт вазиятлардан унумли фойдаланиш эвазига қўлга киритилди. Букайо Сака ва Каи Ҳавертз каби етакчилар жамоанинг ҳужум чизиғида муҳим ролларни ўйнашди, айниқса, бурчак зарбаларидан урилган голлар жамоага кўплаб қимматли очколарни тақдим этди.
Бу ғалаба Арсенал мухлислари учун 22 йиллик интизорликнинг якуни бўлди. Охирги марта клуб 2003-04 йилги мавсумда, Арсен Венгер қўл остидаги афсонавий «Инвинсиблес» таркиби билан чемпионликни нишонлаган эди. Oraдан ўтган йиллар давомида жамоа кўплаб қийинчиликларни бошдан кечирди.
Микел Артета ўзининг замонавий қарашлари ва матонати билан жамоани янги чўққиларга олиб чиқди. Сўнгги уч мавсумдаги муваффақиятсизликлардан сўнг, Арсенал ниҳоят Манчестер Сити ва Ливерпул ҳукмронлигига барҳам бериб, Англия футболи тахтига қайтди.
Чемпионатнинг сўнгги турида Кристал Пелас майдонига сафар қиладиган Арсенал учун бу учрашув шунчаки байрамона характерга эга бўлади. Жамоа ўз мухлислари қаршисида чемпионлик совринини кўтаришга тайёргарлик кўрмоқда.
“Zamin”ни Telegram'да ўқинг!
